Ordførar Marit A. Aase og administrerande direktør i BIR AS Steinar Nævdal står for den offisielle opninga, mens skuleelevar frå kommunen skal underhalde. Mellom anna skal lydverket "Gjenbruksfeber" framførast.- Vi er strålande nøgde med den nye gjenvinningsstasjonen. Dette er den første som er bygd etter den nye malen i BIR. Stasjonen er bygd på to plan med eit øvre og eit nedre nivå. På det øvre nivået kan publikum levere avfall, mens på det nedre nivået blir avfallet henta av BIR. Løysinga er praktisk tenleg og tar omsyn til tryggleiken for kundar og tilsette. Såleis blir stasjonen meir brukarvennleg både for kundane og for BIR, fortel prosjektleiar Stein Ivar Heltveit.
- For innbyggjarane i Samnanger er det eit etterlengta tilbud som no opnar. Det er viktig også med omsyn til Samnanger som eigarkommune i BIR at vi med dette får vår eigen stasjon, slik at vi ikkje treng reise ut av kommunen for å kunne levere grovavfall. Me gler oss! seier ordførar Marit A. Aase i ein kommentar før opninga på onsdag.
Musikalsk oppleving frå skuleelevane
BIR ønskjer ei spesiell markering av den nye gjenvinningsstasjonen og har difor utfordra skulane i kommunen til å delta med underhaldning. Responsen frå skulane har vore formidabel. Under opninga skal rundt 30 andreklassingar frå skulane Gjerde og Nordbygda framføre lydverket "Gjenbruksfeber". Dette blir ei musikalsk oppleving der elevane tar i bruk ting som kan gjenvinnast for å lage lydar. Elevar frå 5.-7. klasse på Nordbygda skule skal framføre ein eigen "avfalls-rap" som dei har laga.
I tillegg skal Idar Reistad, leiar av Naturutvalet i Samnanger kommune lese eit kåseri.BIR ønskjer velkomen til ei heilt spesiell opning!